Kənd təsərrüfatı məhsulları ucuzlaşıb

Bu ilin yanvar-mart aylarında 2015-ci ilin eyni dövrünə nisbətən kənd təsərrüfatı məhsullarının istehsalçı qiymətləri 10,4 faiz, o cümlədən bitkiçilik məhsullarının istehsalçı qiymətləri 20,5 faiz ucuzlaşıb, heyvandarlıq məhsullarının istehsalçı qiymətləri 0,1 faiz bahalaşıb.”Zaman.az” Dövlət Statistika Komitəsinə istinadən bildirir ki, bitkiçilik məhsullarının istehsalçı qiymətlərinin ucuzlaşmasına əsasən ölkədə 2015-ci ildə əvvəlki ilə nisbətən buğdanın məhsuldarlığının yüksəlməsi hesabına onun istehsalının 16,5 faiz artması, dünya bazarında son dövrlərdə buğdanın qiymətinin aşağı düşməsi, cari ilin yanvar ayından etibarən buğdanın idxalına və satışına əlavə dəyər vergisinin tətbiqinin dayandırılması təsir göstərib. Bundan əlavə, bir sıra tərəvəz məhsullarının qiymətləri də aşağı düşüb.
2016-cı ilin mart ayında fevral ayına nisbətən kənd təsərrüfatı məhsullarının istehsalçı qiymətləri 0,3 faiz, o cümlədən bitkiçilik məhsullarının istehsalçı qiymətləri 0,1 faiz, heyvandarlıq məhsullarının istehsalçı qiymətləri isə 0,4 faiz ucuzlaşıb. Mart ayında fevral ayı ilə müqayisədə bitkiçilik məhsullarından buğdanın, arpanın və soğanın istehsalçı qiymətlərində ucuzlaşma, qozun, fındığın, almanın, şabalıdın, narın, heyvanın istehsalçı qiymətlərində isə bahalaşma müşahidə olunub. Digər bitkiçilik məhsullarının istehsalçı qiymətlərində ciddi dəyişikliklər baş verməyib.
Mart ayı ərzində heyvandarlıq məhsullarından quş ətinin və südün istehsalçı qiymətlərində bahalaşma, yumurtanın, mal ətinin, diri qoyun və keçilərin istehsalçı qiymətlərində ucuzlaşma müşahidə olunub. Digər heyvandarlıq məhsullarının istehsalçı qiymətlərində ciddi dəyişikliklər baş verməyib.

Recommend to friends
  • gplus
  • pinterest

About the Author

Leave a comment